ليلي بابتسامه جميلة : ايه يا زيني قاعد لحالك ليه
زين يتنهد بصوت عالي : مخنوق كيف مانتي خابرة وقلبي مش مستريح وقلقان اكدي ووعد جت في دماغي مخبرش ليه
ليلي بحزن : الله يرحمها كانت هتبقي جميلة كيف فرحة بس يالا ملناش نصيب فيها
زين : الله يرحمها بس انتي شكلك معجبنيش الايام دي يا لوليتا حد مزعلك اني مزعلك
ليلي بحب : انت تزعلني دا انت مش بتعمل شي غير عشان يفرحني مش يزعلني بدور علي ايه يسعدني وتعمله اني كل يوم بحمد ربنا عليك وعلي نعمته عليا بيك
زين : قلبي انتي وحياتي انتي وكل الدنيا انتي
ليلي بهزار : وعيالك
زين : عيالي كل دول برضو بس بعديكي انتي الاساس يا لوليتا من غيرك مكنش دول بعد ربنا هيبقو فرحتنا
ليلي : دايما مفرحني بكلامك الزين يا زين الرجال
زين : هتفضلي لميتا تقوليلي يا زين الرجال
ليلي : لما التراب يغطي عيني وقتها بس هبطل اقولها عشان هيبقي غصب عني مش هقدر اقولها لكن طول ماني فيا نفس
وبتنفس هتفضل زين الرجال وتاج راسي
زين : انتي اللي بتصبريني علي كل شي يا ملكة عمري
(((في الجامعة )))
همسة كانت تجلس مع اصحابها في الكافتيريا جاءه اليها امجد : ايه دا ايه اللي جابك جامعتنا
امجد بتوتر : مانا جامعتي جنب جامعتك وكنت معدي من هنا قولت اعدي اسلم عليكي