البنت قربت من زياد ولفت ايديها حوالين رقبته : القمر دا محدش يحس بيه ازاي طيب
زياد بعد ايديها عنه بهدوء : لو سمحتي انا مصدع ومش ناقص وجع دماغ
البنت : دا انا همشيلك الصداع واي تعب واي حاجة انت حاسس بيها بس انت سبلي نفسك بس
((((زياد لم حاجتة وسابلهم المكان وجري وراء رمزي )))
رمزي : ايه يا بني انت مش وش نعمة يخربيت فقرك
زياد بحزن : مقدرش اخونها
رمزي باستغراب : يا بني هيا حاسة بحبك ليها لما انت خايف اوي كدا انك تخونها فوق يا بني
زياد بتنهيدة وجع : مش قادر تعرف هيا وحشاني قوي
رمزي : طيب متسافر البلد وتشوفها وبلمرة تشوف اهلك
زياد : لما بسافر بتعب بسببها بتبقي دايما قصاد عيني ببقي مش شايف حد غيرها اكنها هيا الوحيدة اللي في البيت بحس
اهلي كلهم عليهم غيمة وهيا بس اللي ظاهرة في وسطهم انت تعبت ومش عارف اخريت اللي انا في دا ايه
رمزي : بصراحة الله يقويك طيب متروح الاجازة الجاية وتطلب ايديها من ابوها
زياد : خايف لانكسر ومتوفقش
رمزي : ليه هتلاقي احسن منك
زياد : مش مسالة احسن مني الحكاية اني دايما بعيد عنها ممكن يكون في قلبها حد غيري ودا انا عمري ما هرضي بي ابدا
رمزي : مفتكرش ممكن يبقي في حاجة زيي دي انتو عندكم في الصعيد مفيش الكلام دا ولا حب ولا غيره
زياد ضحك : انتو واخدين عن الصعايدة فكرة وحشة قوي وكانهم مش بيحسو ولا ليهم قلب لا طبعا احنا بنحب وبنتحب وكل حاجة بس عندنا خشاء و الحفاظ علي العادات والتقاليد وقبل دا كلة الخوف من ربنا واننا بنستحرم حاجة زي دي لان الحب دا مشاعر بتبقي غصب عنك