فرحة بحزن : اه جهزة بس مش لازم تيجي كل يوم توصلني انت السواق موجود
رعد بجدية : ليه ان شاء الله مش عايزاني انا اللي اوصلك
فرحة بخوف : مش عايزة اتعبك
رعد بابتسامة جذابة : تعبك راحة يا فروحة
فرحة اتوترت : شكرا
رعد قرب منها بقي وشه امام وشها علي طول :
مالك متوترة كدا ليه فيكي ايه
فرحة : ها لا مفيش يالا عشان اتاخرت ( وسابتة وجريت وماصدقت انها قدرت تهرب من نظرتة ليها اللي بتجننها وتوترها واول ما خرجت من باب المنزل حطيت ايديها علي قلبها اللي دقاته سمعها ابعد شخص واتنهدت : الحمدلله اخيرا عرفت اهرب من عنيه اللي جننتني
(((في لبنان ))
تقف بنت جميلة جداااا امام شباك في مكتب في احد الشركات الكبري يدخل عليها شاب وسيم : ايه يا ريتا مالك سرحانه في ايه بقالي ساعة بخبط
ريتا : معلش مكنتش سامعة في حاجة يا امير
امير : مفيش جيت اطمن عليكي وكمان وحشتيني ايه غلط لما واحد يقلق علي خطيبته
ريتا : لا طبعا بس دا مش مكانه ولا وقته اصلا
امير بنرفزة : انتي في اي وقت وفي اي مكان بتقولي مش وقته في ايه عايزة اعرف انتي مبقتيش تحبيني ولا ايه
ريتا بتحاول تهدي :ازاي مبقتش احبك انت عارف انا بحبك قد ايه بس معلش انا الايام دي مضغوط جدااا استحملني
امير مسك ايديها وباسها : انا معاكي وجنبك يا حبيب الروح بس ممكن طلب
ريتا : اتفضل
امير : ممكن نسهر مع بعض بليل شوية
ريتا : بس انا ( قاطعها امير )
امير : لا مش هسمح انهاردة بي اعذار ولا هتقوليلي تعبانه ولا عندي شغل ولا اي حاجة من اللي بتقوليها كل مرة
ريتا : بس جدو تعبان ولازم ابقي معا
امير :- لا الممرضة معا وهو كويس وامبارح كان سهران مع اصحابة يعني صحته بمب اصلا
ريتا بتنهيدة : ماشي يا امير نخرج