رمزي باستغراب : يا بني هيا حاسة بحبك ليها لما انت خايف اوي كدا انك تخونها فوق يا بني
زياد بتنهيدة وجع : مش قادر تعرف هيا وحشاني قوي
رمزي : طيب متسافر البلد وتشوفها وبلمرة تشوف اهلك
زياد : لما بسافر بتعب بسببها بتبقي دايما قصاد عيني ببقي مش شايف حد غيرها اكنها هيا الوحيدة اللي في البيت بحس اهلي كلهم عليهم غيمة وهيا بس اللي ظاهرة في وسطهم انت تعبت ومش عارف اخريت اللي انا في دا ايه
رمزي : بصراحة الله يقويك طيب متروح الاجازة الجاية وتطلب ايديها من ابوها
زياد : خايف لانكسر ومتوفقش
رمزي : ليه هتلاقي احسن منك
زياد : مش مسالة احسن مني الحكاية اني دايما بعيد عنها ممكن يكون في قلبها حد غيري ودا انا عمري ما هرضي بي ابدا
رمزي : مفتكرش ممكن يبقي في حاجة زيي دي انتو عندكم في الصعيد مفيش الكلام دا ولا حب ولا غيره
زياد ضحك : انتو واخدين عن الصعايدة فكرة وحشة قوي وكانهم مش بيحسو ولا ليهم قلب لا طبعا احنا بنحب وبنتحب وكل حاجة بس عندنا خشاء و الحفاظ علي العادات والتقاليد وقبل دا كلة الخوف من ربنا واننا بنستحرم حاجة زي دي لان الحب دا مشاعر بتبقي غصب عنك
رمزي : يعني لو كان عندك اخت وجت قالتلك انا بحب فلان كنت عادي كدا هتعديها
زياد : اكيد مش عادي كدا اولا رجولتي ونخوتي هتنقح عليا ودا غصب عني مش هقبل حاجة زي دي دمي يغلي لاني بغير
علي اهل بيتي لكن هحاول اتكلم معاها بلحسنه واطلب منها اقبل الشخص دا واكلمه بكل ادب واعرف يستحق اختي ولا لا ولو طلع يستحقها اقوله احنا مينفعش نغصب ربنا وحبكم دا غلط وهيغضب ربنا لانكم اكيد بتقوله لبعض
كلام حب وبتتغزله في بعض ودا حرام لانكم اجانب عن بعض واللي بيحب حد لازم يحافظ عليه وميخليش حد يجيب سيرتة بي اي حاجة
رمزي بهزار : ايه دا ياض دا انت طلعة متفتح اهو يعني مش غشيم