سمية بتحاول تهدي : بكلمك عشان اقولك كل واحد يروح لحالة انا عمري ما خبيتك ابدا ولا انا عمري هحب حد زيك انت اللي زيك ميتحبش اصلا
مالك بصدمة : ومال دا كان اسمة ايه
سمية : اسمة لعب بلمشاعر
مالك بحزن : وانتي فعلا لعبتي صح بس انا مش مصدقك انتي بتهزري صح قولي انك بتهزري
سمية بعصبية : لا مش بهزر وههزر ليه انا مش بطيقك متحاولش تكلمني تاني انسي انك كنت تعرفني في يوم من الايام انا استحالة احب حد زيك ( جاء يتحدث مالك قفلت مسرعا في وجه وانفجرت في البكاء ) انبسطي كدا
حنان بابتسامة : كدا انتي شطورة يا موزة سلام بقي بنا تليفونات بس حسك عينك ديلك يلعب كدا ولا كدا
(((في منزل السيوفي )))
ام زين بفرحة : يا قلب قلبي اتوحشتك قوي يا بتي كدا يا ليلي هونا عليكي المدة دي كلها تبعدي عنا
ليلي بابتسامة : غصب عني والله ربنا يجازي ولد الحرام بقي
رعد : ربنا يبعد عنيكم ولاد الحرام
عبير بخبث : نورتي الدنيا يا مرت خوي ايه الغيبة الطويلة دي بس
ليلي : ان شاء الله مهتعدش تاني ومهما يوحصل مفوتش داري واصل
زين بابتسامة : عين العقل يا لوليتا قلبي انتي
ليلي : اني خلاص عقلت بقي
زين : يالا طيب نطلغ قوضتنا اكيد اتوحشتيها
ليلي : قوي قوي
(((عبير بتلوي شفايفها )))
(((في غرفة فهد ومنار )))
فهد بيتالم جدا : اه مقدرش شوفيلي اسبرين راسي هتموتني
منار بخوف عليه : لا الحكاية دي ميتسكتش عليها واصل لازم تنزل دلوقت تكشف معايا