عبير بنظرة حادة : اخرسي انتي محدش حاسس بنار اللي جوايا اني بموت علي ولادي وعشان اكدي مفيش حاجة هتشفي غليلي غير التأر
اسماء : هتفرحي يعني لما تلاقي بوكي و خيك دا ولا دا يموته واحد وراء التاني بسبب التأر وطبعا ولادك ودا يجر دا هتفرحي اكدي
فهد بزعيق : اخلصي منك ليها حق جوزك هيرجع بطلي حديت كتير بقي
رعد : زين تعالي وراءيا علي مكتب عايزك
زين بينظر لفهد : حاضر جاي اهو يا بوي
((((في منزل العمروسي )))
اسد علي سفرة مع عائلته : الحمدلله اني ماشي عايزيني مني حاجة قبل ما اروح
ثابت بقلق : هتروح علي فين يا ولدي
اسد : رايح اشوف مشاغلي يا بوي
ثابت : ملازمش انهاردة تروح مكان يا ولدي
اسد : ليه يا بوي هنتحبس كيف الحريم في الدار ولا ايه احنا نروح في اي مكان ونحط صوابعنا فعين التخين في عيلة السيوفي
ثابت : يا ولدي المسالة مش اكدي المسالة ان لسه نارهم مباردتش وغير اكدي ليه احنا ندفعو تمن حاجة احنا معملنهاش يعني يبقي احنا اللي لينا تأر وفجاءة يبقي علينا ومن غير ماناخد تأرنا كمان لو كنا اخدنا كان هيبقي عادي ميهمناش
عمار : سيبو يا بوي يخرج هما لسه مش فوعيهم لسه الصدمة مقصره عليهم متقلقش
زوجة ثابت : صح يا ولدي عملت ايه عند مرتك ايه مرضيتش تيجي معاك ولا ايه
نظر اسد لعمار بغل ثم رجع نظر الي والدتة : لا يامه مروحتش اصلا مين اللي قالك اني روحت من اساسو اني مش هروح اجيبها غير اما تتربي غير اكدي خليها في باط بوها
والدته بابتسامة :- ايوا اكدي عين العقل يا ولدي رجل ولد رجل بصحيح
((((ثم رن جرس المنزل ))))
فتحت احد الشغلات : مين ست سمر نورتي اتفضلي
ثابت بابتسامة : ازيك يا بتي عاملة ايه و جوزك اخباره ايه
سمر : الحمدلله يا بوي هو في مصر في شغل قولتلو هروح اقعد يومين عند بوي
والدتها : تنوري يا بتي انتي اصلا وحشتينا انتي وقلبي ستهم دول ايه مفيش بوسه لستكم
سمر : احمد محمد يالا بوسو ستكم ومال ليلي فين مبيناش