سميرة / صح يابني هي حكتلك عن الزفت ده الله لايسمحه كسر قلبها في احلي يوم تتمناه كل بنت
غسان / لاء بس كانت مرة نايمة وشافت كابوس و كانت بتنادي باسمة
سميرة/ غصب عنها يابني الصدمة كانت شديدة قوي لولا أن لوكا جامدة كانت انكسرت من زمان تخيل كده يابني لما تكون عامل للإنسان ده كل حاجة حلوة و مش مكلفه حاجة حتي بدلته بتاعت الفرح هي اللي جبتها
غسان /باستغراب هي مليكة كانت متجوزه
سميرة/ لاء يابني سابو بعض يوم الفرح الصبح
غسان / باستغراب معقوله ازاي ده حصل وبغيرة شديدة هي كانت بتحبه
سميرة/. ابتسمت سميرة لغيرته الواضحة في عينه .لا ياحبيبي هي كانت بتتوهم أنها بتحبه كانت صغيرة و اتعلقت بي
غسان ،/ طايب سابو بعض ازاي يوم الفرح غريبه قوي دي
سميرة / لا غريبة و لا حاجة ربنا مش كاتبلهم نصيب مع بعض انا اريد وانت تريك والله يفعل ما يريد
غسان /ونعمة بالله يا حاجة المهم ازاي بقي تحكيلي
سميرة/ لوكا حببتي كانت رايحة علي الكوافير زي اي عروسة وفي طريقها عدت علي شقتها تحط حاجات دخلت قوصة النوم
لقته مع واحدة متخيل مدي صدمتها
غسان / بني ادم واطي زباله الحمد لله أن ربنا كشفت ليها وهي لسة علي البر وصدقيني الصدمة اللي متموتش تقوي . ومليكة رجعت قويه
سميرة / علشان كده يابني بقولك اصبر عليها هي عاملة زي الطير المجروح
غسان / عارف يا حاجة وحصبر عليها بس هي عنديا جداا
سميرة /انا حتقولي عليها بتبقي روحها في الحاجة و من كتر عندها بتسبها
غسان/ احنا لازم نحط خطة علشان نقنعها بالجواز
مليكه عاوزة حد يحتويها و يخفف عنها بس بعد ما يروضها و انا مش حعرف اعمل كده غير لما تكون مراتي
احنا حنخشلها من ناحية أنها زورت هي ماضية علي شرط جزائي كبير ومش حينفع تتراجع