نسرين/ طايب الاوراق سهل اللعب فيها طايب و البطاقه
مليكه/لا دي اسهل مرحله هما اساسا طلبين صورة بطاقة مش الأصل فا حضرتك بردو ياشطور حتلعبي في صورة
يعني احنا كنا. دخلناكي هندسة برمجيات علشان منستفتش منك بحاجة.
نسرين / يسلام اول ماشطح ازور تعرفي اني حلبس معاكي لو انكشفتي
مليكه عيب عليكي اخت جامدة و شكلك كده ناستي شعار بتاعنا
نسرين ومليكه في نفس واحد /, يا نعيش عيشة فل يا نموت احنا الكل …….
ضحكو الاتنين وحضنو بعض
مليكة /. بس اهم حاجه تحطي لسانك في بوقك و سميرة متعرفش حاجة كل اللي تعرفه اني حشتغل في مزرعة وخلاص فاهمة يا نسرين
نسرين / فاهمة ياختي و انا هبله علشان اقول لسميرة دي كانت قطعتيني انا وانتي و حطتنا في كياس ورمتنا للكلاب
والقطط
وفعلا ذهبت نسرين معا مليكة الي منزلها بعد إحضار كل مستلزمات التنكر
وبداءت مليكه تضع مكياج النتكر علي وشها وكان لازم تغمق ولون بشرتها شويه لأن مليكة كانت ناصعة البياض و عنيها بصفاء السماء كانت ايه في الجمال
المشكلة الوحيدة كانت عند لبس الباروكه القصيرة لأن شعر مليكه طويل جدا وناعم لونه لون العسل الفاتح مخصل بخصلات شقرا من يراه بفتكر أنه مصبوغ ولكن ده لونه الطبيعي خصلات ذهبيه وخصلات بني فاتح
مليكة / حنعمل ايه في شعري اللي مش عاوز يثبت ده كل ما الفه يقع من تحت الباروكه
بقلم نرمين قدري