حازم/ علي بال معملت اللي انت عاوز
غسان/ ها وخلصت ولا لسه
حازم /كله تمام يا كبير بس هدي نفسك شويه
غسان/ تمام قول اللجماعة تدخل غسان بصوت يشبه الرعد رنا رناااااا
نزلت رنا تجري
رنا /في ايه يا غسان بتزعق كده ليه
غسان/ ولا حاجة يا برنسيه اصلي شفتك بقالك كتير مروحتيش للسينما قلت اجبهالك لحد عندك اتفضلي اتفرجي علي اخر فيلم نزل السوق
فتح لها غسان الفيديو
رنا/ بتطلطم علي وشها يالهوي يالهوي يالهوي يالهوي اتفضحت خلاص
غسان/ عارفه يا رنا انا المفروض كنت اعملك بمعملتك انتي وامك بس للاسف انتي لحمي وانا مقدرش ارمي كده
الفيديو اتشال من النت خالص . و البيه اللي كان السبب في كل ده واقف برا مع المأذون
رنا /مأذون ليه انا مش حتجوز البني ادم ده
غسان/ هو انا مقلتلكيش ماهو مش بمزاجك ده اجباري
رنا / ده شحات محلتهوش حاجة يعني لما انا اجي اتجوز اتجوز شحات
غسان /احمدي ربنا أنه حيتستر عليكي و الست بتعيش علي قد جوزها ميعيشها و بتقعد في مكان اللي جوزها في ولا ايه
فوزية / يعني انت قاصدك ان رنا حتروح تقعد معاه مطرح ماهو قاعد . انت اكيد مخك جراله حاجة اتجننت شكل الحادثة اثرت علي مخك
غسان/ هي كانت حادثه بردو يا عمتي بالله عليكي بلاش تفتحي مواضيع علشان لو فتحتيني حتخسري كتير
وانا ميرضنيش أن رنا تروح تقعد معاه لوحدها فعلا عندك حق علشان كده انا حبعتلك تروحي تعيشي ماترح ماهي عايشة