انت سر وجود الروح في صدري علشان لو انت مش موجود الروح حتطلع لخلاقها
غسان عنية أدمعت من كلمة الله الله الله عليكي وعلي احساسك العالي واخيرا راضيتي عني و بصبتي في عنيا كنت حموت كل متكلميني باصه في الأرض وحشني القوى اللي بستمدها من عنيكي
و حشتني قوي نظرت عينك اي كان النظرة .. نظرة لوم زي اللي شايفها دي ..نظرة حب نظرة عتاب
بحب كل نظرة من عينك مع كل اللي يتحملو معاها من معاني
انا راضي بكل نظرة عتاب وكل نظرة لوم منك بس اوعي متبصوليش تاني انا بجد اللي ممكن اموت فيها
مليكة / بس مش معني كده اني سامحتك سيب الزمن يداوي الجرح علي مهله
غسان وانا راضي بس متحرمنيش منك وانا كفيل اخليكي تسمحيني انا معنديش اعز منك
وفي جانب تاني
رنا / في اية يا ماما رايحة جاية وترطيني ما خلاص غسان حيتجوزني و حتمضي معاه أكبر صفقة دخلها عاوزة ايه تاني
فوزية / عاوزة احميكي من الجاي
رنا / هو ايه اللي جاي تاني بقي اي حاجة مش مهم المهم عندي اني اتجوز غسان واحرق قلب زفته دي علشان تبطل تنطط عليا
فوزية / منا بقول ايه الزفته دي حامل من غسان ياختي
رنا /. ااايه مش معقول انتي بتهزري طايب ازاي وهو غابب شهر عن البيت
فوزية/ انتي موكوسة بايت حملت قبل ما يسافر حملت قبل ما يسافر اعمل ايه وأروح فين
رنا ،/ كده كل اللي خططناله راح علي الفاضي صح
فوزية/ لا ورحمة امي انا بقالي سنين بخطط من ساعة الزفته كامليا مش حتيجي حتى بت مفعوصة وتبوظ كل ده
رنا / ماما اتصرفي باي طريقة بس ماستهباش تاخد غسان
فوزية/ بصي هو من الظاهر كده إن غسان لسه ميعرفش بموضوع الحمل ده وكده في مصلحتنا
رنا / حتلعبي نفس اللعبة اللي لعبتيها علي خالي وتشككي غسان فيها صح
فوزية / لاء طبعا غسان غير باهر مش حتخيل عليه الحكاية دي .من الاخر لازم نخلص منها وبكرة مش بعده
رنا / حتعملي ايه
فوزية /اصبري واتفرجي