حضنها غسان بشدة صباح الابتسامة و الأمل يا نن عيني من جوا . في حد بيخبط
مليكة / سيبك من الباب تلقيها كلبه البحر مافيش غيرها لو أمي شافتها حتظبطها
غسان/ تمام كنا بنقول ايه بقي . اممم اه افتكرت كنت بقول ده اجمل صباح مر عليا يا ملكة قلبي
الباب خبط تاني
مليكة / غسان قوم البس هدومك علشان شكل كلبه البحر بدل ما يبقي خطوبتها حتكون جنزتها
فتحت مليكة الباب خير يا ابو قردان عاوزة ايه من فجر ربنا لسة النهار طالع
نسرين / ايه ساعة علشان تصحو كنتو بتعملوا ايه
مليكه حنكون بنعمل ايه يا وحيد القرن الساعه تسعة حنكون اكيد نايمين يعني
نسرين / عيني في عنيك ده شكل ناس كانت نايمة
مليكه / انا نفسي اعرف هي احلام رمياكي علينا كده علطول ليه ملكيش أهل يابنتي يسألو عليكي بدل ما انتي قرفانه
غسان / من بعيد صباح الخير يانسرين هو حازم مكلمكيش
نسرين/ صباح الخير يا أنشطه هنا قدر اقولك أنشطة براحتي لا حازم كلمني خمستاتشر مرة بس لحد دلوقتي
غسان / طايب خليهم انتي ستاشر و كلميه
نسرين/ بضحكة هبله هههههها انا بتوزع يا جدعان نسرين بنت احلام بيوزعوها . ماشي ميضرش حتوزع بس عدو الجمايل
قفلت مليكة الباب في وشها وهي لسة بتتكلم
وقام غسان بسرعة وشدها لحضنة تعالي بقي علشان انا حموت واقولك حاجة في بوقك من ساعة مصحيت بس نسرين فصلتني
ضمها لحضنه وشدها جامد وبداء يقبلها من وجهها كله بحبك بحبك بحبك وبيقبل وجهها لحد موصل لرقبتها دفن وجه في رقبتها يستنشق عطرها بهيام شديد ومليكة كانت مغيبة في عالم تاني