فوزية بشوفك بقي يا ابن اخويا انت عاوز تصدق براحتك مراتك وانت حر فيها انا مالي ربنا حليم ستار
المهم أن محدش يجي جانب بنتي وخالي بالك من ريما
غسان / عمتي قلت والا كلمة خلصنا بقي
فوزيه / خلصنا خلصنا المهم بنتي خط أحمر وانا عاوزه حقها
رنا /لا مش عاوزة اشوف وشها
فوزية / رنا قالك حيخليها تتعتذر خلصنا بقي
غسان في نفسة عمتي مش ناوية خير لمليكة معقول تعملها حاجة انا لازم اتقي شرها . لحد معرف حعمل معاها ايه . مليكة لازم تعتدز بس مش عارف حخليها تعملها ازاي دي ربنا يقدرني عليها
نزل غسان تحت سمع أصواتهم من المطبخ في جو مرح
نسرين / انا جعت يا لوكا بقي اخلصي
مليكة / حتفضلي طول عمرك كلب البحر اصبري المحشي خلاص دخل في سوا وبحمر الفراخ اهو
دخل غسان وقف علي باب المطبخ مستمتع بالجو الأسري
ريما كانت واقفة تعمل سلاطه و مليكة علي البوتجاز بتعمل الاكل و نسرين يتحضر الاطباق في جو سعاده و مرح
دخل غسان ايه الروائح الحلوة دي شكل الاكل تحفة ايه مش محتاجين مساعده
مليكة اول ما سمعت صوته ارتبكت واتلسعت من
الزيت
مليكة باه مكتومة حتي لا يسمع صوتها ولكنه انتبه
غسان / مليكة مالك اتحرقتي
مليكة / لاء مافيش وهي عطياله ظهرها
غسان / لاء وريني ايدك كده