دخل عليهم حازم ومعاه ريما
حازم/ في ايه يابنات ايه كمية الدراما دي المفروض ده فرح مش عزا..
مليكه انا ممكن اتكلم معاكي كا اخت
مليكة/ اتفضل يا حازم
حازم / متزعليش مني انتي غلطتك كبيرة و المشكله انك مكنتيش مقدرة خطورة الموقف اللي انتي فيه . استحملي غضب
غسان لأن غسان بردو مجروح جرح مش بيشفي منه خليكي انا الايد اللي طبطب علي الجرح ده
ريما / وانا كمان يا مليكة اعتبرني اختك .صدقيني ابيه غسان طيب قوي وهو بيحبك بجد بس انتم محتاجين شوية صبر
نزل غسان لما شفهم كلهم متجمعين مع بعض و مليكة واقفة في الجنينة معاهم
بقلم نرمين قدري
غسان متجمعين عند النبي . ايه سر الجمع ده
حازم/ ابدا يا عريس كنا بنتكلم عن الانسة نسرين وازاي نستفاد من خبرتها
غسان / يعني انت عاوز ايه علشان افهم وغمزله
حازم / انا شايف أن الانسة نسرين مهندسة كمبيوتر واحنا يعني محتاجين مهندس كمبيوتر
غسان / يعني عاوز ايه اخلص
حازم/ يعني كنت عاوز يعني
غسان / وانا موافق يا حازم اكتب معاها العقد
حازم / و حيات النبي وافقت احلف بالله علشان اصدقك . غسان نسرين بنت عادي يا عني
غسان / مش حكدب عليك واقولك اني شغلتها علشان محتجلها او علشان سو اد عيونك
.. لاء مليكة بتمر بظروف صعبه ونفسيتها وحشة و لسة اللي جاي اكتر فهي حتكون محتاجة حد يكون منها الفترة دي