مراد بص لأدهم بضيق ولَف قال لفتحي بابتسامة: معلش يا فتحي مرة تانية ان شاء الله اندهلي بس الأسطى نور
جت نور وهي بتمسح ايديها من الشحم
بصلها ادهم من فوق لتحت وسكت
مراد باحترام: السلام عليكم، ازي حضرتك يا أنس… يا اسطى نور
نور: وعليكم السلام ورحمة الله وبركاته يا دكتور، الحمد لله في نعمة
مراد: الحاجات دي بعد اذنك وصّليها لأنسة أميرة واتمنى ذوقي يعجبكم مع ان أنسة أميرة تستاهل أكتر من كده
أدهم بصوت واطي بس مراد سمعه: هما كانوا يطولوا
بصله مراد بضيق وقال: أعرّف حضرتك أدهم الزيّات ابن عمي
وأعرّفك يا أدهم الأسطى نور ولي أمر أنسة أميرة
أدهم باستغراب: الأسطى نور!!!
نور بصوت واطي: يا ليلة كحلي ده شكله هيبقى مرار طافح
يتبع….
أدهم باستغراب: أسطى نور!!!! أنا سمعت الاسم ده قبل كده بس يا ترى فين؟
مراد: ممكن يكون منّي وانا بحكيلك عن أنسة أميرة وعائلتها يا أدهم
أدهم بشك: ممكن
مراد: نستأذن احنا يا أسطى نور عشان ورايا ترتيبات كتيرة ليوم الخميس ان شاء الله، خلاص فاضل يومين بس