نور مسكت كارنيه الجامعة بتاعها وقدمته للعميد: أنا بعتذر حضرتك بس مقدرتش أتحمّل سف.الة الكائن ده
بص العميد للكارنيه: نوّارة!! نوّارة مين؟
نور: أنا حضرتك نوّارة محمد مصطفى أخت أميرة الكبيرة وكنت طالبة في الجامعة هنا من ١٠ سنين، وآسفة لو جيت بلِبس الشغل بس لما عرفت اللي حصل جيت بسرعة، ممكن أعرف حضرتك البيه ده وشاورت على الطالب حضرتك هتعمل معاه إيه على اللي عمله مع أختي؟
العميد بهدوء قال للطالب: حضرتك مفصول لمدة أسبوع ولو اتكررت المواقف دي منّك تاني تجاه أي زميلة هفصلك السنة كلها فاهم؟
بصّلهم الطالب بغيظ: حاضر حضرتك وساب المكتب وخرج
وخرج وراه الباقي كلهم
نور: أنا متشكرة جداً ليكم على مساعدتكم لأميرة، شكراً ليك يا دكتور انتَ وهدى
مراد بابتسامة: ولا يهمك يا آنسة نوّارة وأحِب أقولك انّك ونعم القدوة فعلاً على كل اللي عملتيه وبتعمليه لإخواتك
ابتسمت نور ابتسامة بسيطة وسكتت
مرا بابتسامة: أنا عارف إن المكان مش مناسب بس أنا حابب أطلب منّك إيد آنسة أميرة
أميرة بصّت في الأرض بخجل وهدى غمزتها في دراعها وابتسمت
نور بجدية: أنا آسفة يا دكتور طلبك مرفوض
فوجيء الكل من رَفض نوّارة لطلب مراد وأميرة عيونها دمّعت وبصّت في الأرض
مراد باستغراب وحز.ن: طيب ممكن أفهم ليه حضرتِك رافضة الموضوع يا آنسة نوّارة؟