نور انا هاخد الابتوب بتاعي واطلع الجنينه اشتغل مش جايلي نومي..
يحيى بقلق مالك يانور في حاجه مدايقاكي..
نور لا ابدا بس عندي شغل متراكم..ولازم اخلصه..
يحيى ماشي انا هاخد شور وهشتغل كمان..
اومأت نور براسها بابتسامه وغادرت..
يحيى بقي يراقبها بقلق..
________________
وداد بنت انتي نظراتك ليحيى مش عجباني اوعك تكوني..لتصمت وهي تترقب عيون ابنتها التي تتهرب منها..لتهدر وهي تلطم على صدرها يامصيبتي لو كان اللي بفكر فيه ده صحيح..
حور بخوف قصدك ايه مش فاهمه..
وداد امسكت ذراعها بعنف لتهدر انتي بتحبي يحيى ياحور..
حور….
واداد بغضب متنطقي يابنت..
حور لا ياماما لا..
وداد بتحذير حورررر
حور بدموع ايوا بحبه ومن زمان..
واداد وهي تلطم وجهها يامصيبتي يامصيبتي انتي بتقولي ايه يحيى ..يحيى ده رابي معاكي ده زي اخوكي..
حور ببكاء بس مش اخويا ….مش اخويا..
وداد جلست وقد وضعت يديها على راسها لتهدر ومراته مفكرتيش فيها ..
حور جلست امامها برجاء ودموعها تتسابق انا بحاول انساه بس مش بايدي اول مابشوفه ده بيوجعني وهي تشير الى قلبها..
وداد وقد وقعت بين نارين..هعمل ايه بالمصيبه دي ياربي لتنهض وتمسك ابنتها من ذراعها هادرة انتي تنسيه خالص انتي فاهمه مش هسمح للي حصل زمان يتكرر ياحور انتي فاهمه..
حور ماما انا….
وداد اتكتمي مش عايزه اسمع صوتك لتدفعها وتغادر..كانت نور تستمع لكلامهما وهي تتذكر ماحدث لوالدتها منذ زمن وحب عاصم لها وماعانته مع والدها..لتغادر بسرعه وتجلس في الحديقه …
____________