شوق بدموع النهارده لما ماما دخلت عليا وانا بكلمك ادتني نظرها مش هقدر انساها ..انا حاسه اني بغلط ..ومش عايزه ماما تزعل مني…
مصطفى احنا مبنعملش حاجه غلط انا بحبك يا شوق والله العظيم بحبك..
شوق وانا بحبك بس ماينفعش كده انا مش حابه اكلمك واهلي ميعرفوش…انا كده بغلط وبخون ثقة اهلي..
مصطفى ثقه ايه ياشوق انتي مش واثقه بيا…
شوق واثقه بس ماينفعش نكلم بعض انا مش هتحمل نظرة الشك بعيون ماما ارجوك حس بيا..
مصطفى بحده ماشي ياشوق ماشي زي مانتي عايزه ..واغلق الهاتف بوجهها..اما الاخرى فقد اجهشت بالبكاء..
__________
في منزل عاصم وتحديدا في مكتبه.
عاصم جاي متأخر ليه يابني..
يحيى معلش يا عمي كان عندي شغل منتا عارف شغلنا صعب قد ايه..داده سعديه قالتلي انك عايزني
عاصم ربنا يعينك …ايوا يابني عاوز اتكلم معاك..
جلس يحيى بتعب اتفضل ياعمي سامعك..
عاصم مصطفى عاوز يجوز..
يحيى بسعادة ربنا يتممله على خير..واخيرا..
عاصم بس ان مش عاوز اجوزه قبلك يا بني ..
يحيى والله ياعمي انا مبفكرش بالجواز دلوقتي ..
عاصم بس انا عايز اطمن عليك يابني ..