راح ناصر ناحيتها وطلبوا اكل…
قمر: تصدق كنت جعانه
ناصر: ييياااااه بص بص الشاندوتش دي الجمال عدي الكلام ..
قمر بضحك: بتتغزل في الشاندوتش
ناصر: وهانتغزلوا في حاجة احلي من النعمة الحمد لله دايما وابدا نزل تاني يا ابو عمو
كان ناصر بياكل كتير وقمر مستغربة وفي نفس الوقت مش عاوزه تحرجه..
ناصر : تاني يا ابو عمو ..
تاني يا ابو عمو _ تاني يا ابو عمو لحد ما اكل عشرين ساندوتش !
ناصر: الحمد لله تسلم يدك كام الحساب !
_44 جنيه ..
بص ناصر لقمر …
ناصر: يعني الشاندوتش بكام
_2 جنيه بس خلي الغلابة تاكل …
دفع ناصر ومشي خطوتين وهو مذهول وبعدين مسك بطنه
قمر: فيك ايه يا ناصر
ناصر: بطني بتتقطع اااااااااه يا بطني بطني بتتقطع قطيع …
قمر بخوف: انت اللي طفس !
ناصر: مش طفاسه عاااااا مش طفاسة ديييي لو كبدة كلب بلدي العيال ممرمطين اهله في الشارع ورابطينه بحبل غسيل مايبقاش الشاندوتش ب 2 جنيه اه يا صغير عالموت يا ناصر اه يا صغير
هيا مالها بردت اكده ليييه والدنيا عاتمه ولا انا بموت ولا اييييه اهئ اهئ ..
قمر: اهدي هانروحوا المستشفي اهدي بس
ناصر: ده ان لحقتيني ااااه انا بطني سايبه
طلع يجري علي الجامع ودخل الحمام وقمر مستنياه بره وقلقانة ..
طلع بعد عشر دقايق وهو ماسك بطنه وبعدين دخل يجري تاني وهو بيعيط طلع بعد خمس دقايق وبعدين برق وطلع يجري تاني دخل وماكنش سايب فرصه لقمر حتي تكلمه
لحد ما طلع بره الجامع..