بحثت على الكومبيوتر وقالت
مفيش حد بالاسم ده
تذكرت ليلي كلام صقر وقالت
اه نسيت ممكن يكون انكتبت ب اسم جوزها شوفي كده حرم النقيب عزيز الخولى
بحثت السكرتيره مره اخرى وقالت
اه موجوده لكن الحساب خالص
هزت راسها وقالت
يا خبر جوزى من شويه نزل يدفع الحساب ليكون دفعه ب اسم حد تاني
والنبي يا بنتى ابعتى حد يطلب منه ينزل الحسابات ضروري عشان انا تعبانه ومش معايا تليفون ابلغه وهو لسه قايلي انه دفع
هزت راسها وقالت
مفيش مشكله ورفعت السماعة وطلبت من استعلامات الدور الثاني تبعت ل استاذ
ردت ليلي محمد عز الدين
قالت السكرتيره الاسم وبالفعل قبل ما يدخل خلفهم
جات ممرضه وقالت بعد اذنك ماتعرفش محمد عز الدين فين
رد محمد
انا محمد عز الدين خير
ردت الممرضه
طلبينك تحت فى الاستعلامات إجراءات المريضة
هز راسه محمد وقال
حاضر
بعد كده طلعت ليلي وانتظرت للمريضة وهى مبتسمة
برافو عليكي خدمتينى بقي بغرفة كده فاضيه لمدّة ساعه وعينى ليكي
شهقت الممرضه وقالت
غرفة ايه يا مادم احنا في مستشفى مش بانسيون
طلعت فلوس من شنطتها وقالت
هو انتي فاكره ايه انتى شايفه جوزى تعبان انا كنت عاوزاه ينام ساعة حبيبي من فزعه على بنت اخوه ضغطه انخفض وهو معاند وخايفة يجي له هبوط
ردت الممرضه
لو كده تمام فى الدور الرابع فاضي مفهوش حد
سالتها ليلي
انتى متاكده يعني مفيش ازعاج
هزت راسها وقالت
لا طبعا ده دور جديد لسه متشطب مجرد بس الاجهزة والسرير عشان يكون الى الحالات اللى هاتحتاج تقعد مدة ومتابعة ولسه مشتغلتش
ابتسمت ليلي
الله ينور عليكى
ادخله الغرفه الكام
ردت الممرضه
الغرفة رقم ١٢ اخر الممر ومفتوحة بنطلع نغير فيهم
ابتسمت ليلي مع نفسها بتغير فيها بردوا ما علينا واعطتها الفلوس
…
اتجه محمد الى تحت من خلال الاسانسير كانت منتظره ليلي ولما دخل ضغطت على الذر طلع الاسانسير
صرخ محمد فيها انتى بتعملى ايه
انتى ست فجرة وبيعت بنت اخى وكل ده ليه عشان البيت والورشه
تركته يصرخ ويتحدث حتى وصل الاسانسير وفتح مسكت ايده وقالت
تعال نتكلم شويه وبعد كده اعمل الا انت عاوزه وانت طلقتنى خلاص