❈-❈-❈
فاقت ملك من تذكره
على صوت رجل يتحدث على الهاتف:
اتصل ب فهد باشا، وأمه وبلغهم على شروطنا.
هز اخر راسه وقال:
بالفعل تم الاتصال
واتصل فيديو وقربه من ملك و نورسان
كان فهد فى الطريق جاله اتصال فيديو من رقم غريب فتح وشاف ملك واخته انصدم
وقف السيارة وبلهفة
انتم مين وعايزين ايه سيبومهم انتم ناسين انكم بتلعبوا مع ظابط شرطة.
ضحك المتصل وتحدث بدون ما يظهر وجه وقال:
رايح فين يا باشا ارجع، و اكتب كتابك على اسماء لو عايز يفضلوا عايشين.
أنصدم فهد من حديثه وثقته
ولعنه يا اولاد ** والله ما ارحمكم
وفي دقيقه تم اغلق الفيديو
❈-❈-❈
وفى نفس اللحظة
وصلت رساله أخرى إلى سهيرة بصورة بنتها المخطوفة ومكتوب عليها
توافقي على زواج فهد من اسماء، وتصلحى اللى عكتيه زمان هترجع ليكى بنتك.
شعرت سهير بخوف شديد على بنتها
اتصلت ب فهد وهى تصرخ:
نورسان اتخطفت يا فهد، ارجوك انقذ بنتى هى البت الخدمة وراها، انا ياما حذرتك منها، وطلبت منك ترميها لكن انت عملت ايه، سبتيها تدمر فيك وفى حياتك ووفقت الحى امه تقعد معاها وده النتيجة،
اهوه دمرت حياتي وحياتك، ودلوقتي ل تتجوزها ل يقتلوا بنتى ارجع اتجوزها، بنتى ملهاش ذنب.
❈-❈-❈
كان فهد ما بين نارين عايز يوصل عند ملك ونورسان ويحدد مكان الخطف، وايضا خايف عليهم
بعت الرقم للإدارة اللى معه يعملو تحريات مع تسجيل الفيديو عشان يعرفوا يحددو الموقع
وبالفعل وصل شاب استلم الهاتف منه وبدوا فى البحث عن مصدر الرسالة.
عاد فهد وهو على آخره لكن لم يظهر ل أحد أنه حدث حاجة.
جريت هبه عليها لم شافته وسالته:
لحقت ملك هى فين انا متصورتش أنها هتمشي.
بلع ريقه فهد وهو ينظر للجميع وقال:
قابلتها
ونظر الي اسماء وتكلم بطريقة تخليها تغير:
واخدتها شقة خاصة بي عشان هى، مصممة على رأيها لكن هى بخير.
سمعت اسماء كلمة قابلتها واتجننت ودخلت عند امها ليلي وقالت:
اهوه لحقها واخدها على شقة بتاعته كسبتى ايه ومش بعيد يكون اتجوزها.
ضحكت ليلي وربطت على كتفها:
يا عبيطة هو بيقول كدة عشان تغيرى، البت مخطوفة من بدرى وبقيت تحت ايدنا فى الحفظ والصون وهو عرف شروطنا، ورجع عشان يطلب ايدك،
و هتشوفي دلوقتي يطلب نحضر لفرحكم.
❈-❈-❈
بعد قليل دخل فهد عليهم وهو متاكد انها جريت عند امها وابتسم بسخرية وقال:
ازيك يا حماتي انا كنتى بسمع عنك كتير من ملك، ومن قبلها عمى ابراهيم، لكن مااتصورتش انك شيطانية كدة، انتى بتلعبي مع ظابط شرطه واضح انك بتلعبي بعدد عمرك.
نظرت له ليلي وهى تمثل انها مش فاهمه حاجه وقالت:
العب معاك ليه يا عيون حماتك، انا بتمنى الخير ليك و ل بنتى، وانا اتغيرت ومش عايزة حاجة الا اشوف حفيدى وبنتى بخير، واشوفها فى الكوشة تعملها الفرح اللى متعمليش، وتتجوزها قدام الناس مش فى السر تكون زوجة فهد باشا.
فهم فهد رسالتها وهز راسه وقال:
جهزوا كل التحضيرات وانا جاهز.
نظرت اسماء لهم وهى مش مصدقه عيونها
اقترب فهد منها قلب اسماء كان يقف من الفرحة وهمس فى ودنها:
متفرحش اوى كدة، انتى عارفه من غير تهديد، انا كنت هتجوزك، وكنتى هتكون الزوجة الثانية، وملك الأولي