انصدمت منى من كلام هدير وشعرت ببعض الغيظ وقالت:
_انتى بقا شايفة نفسك انتى اللى تستحقى المقام دا وعشان كده بتعملى جميلة معايا عشان وصلتك ليه
لا دا بعدك ،وانا مش بااتهدد انتى اللى تخافي منى لانى اقسم بالله العظيم، لو وليد فصلنى أو رجعنا القاهرة.
ل اكون معترفه بكل اللى اعرفه عنك.
ضحكت هدير بهستيريا كانت ما بين الضحك والبكاء وقالت:
_منى انتى فاكرة ان فى مقارنة ما بينا وهو يختار واحدة ،تبقي غبيه لو فكرتى كدا ان فىه حد يفكر يتجوزنى واكون زوجته وأم أولاده ويكون سندى وظهرى وبكت بهستيريا ونزلت على الأرض ببكاء:
_ده حلم بعيد المنال مستحيل مش عشان خائفة من تهديدك لا والله عشان انا مبقتش انفع يامنى ،وصدقينى انا مش عارفه انا جيت هنا ليه ووافقت ليه، ممكن عشان اتاثرت ب هبة بنت عم ملك كنت بشوفها وهى بتصلي وبتقراء قران حاجة كدة زى الملاك غيرت منها كنت نفسي اتغير ،واول ما الحاجة مسكت في
لاقيت فرصة انى اهرب من كل حصل معايا ابدا حياة جديدة اشتغل اعتمد على نفسي بدون مساعدة رجل ،او رجل يدخل حياتى ،وقولت عمل خير يطهرنى من أخطائى ،او عشان ابعد عن جو، كنت موجودة فيه ومجبورة سنين طويلة اكون فىه ،ربنا ما يوقعك في ضيقة زى اللى وقعت فيها، انتى الافضل يا منى اقسم بالله انتى الافضل، واتمنى ليكى تكونى من نصيبه، أو ربنا يرزقك شخص يحبك ،ويكون مستواه المادى مرتاح ،وانا والله العظيم هقف جنبك، وعمرى ما هكون
عاذل ما بينك وبين اي شخص، كل الموضوع أنى عارفة انك بنت نفسك تتفسحى، وتنزلى ماء وتجرى وتفرحى نفسك ،تحبى وتتحبي، والحياة اجبرتك انك تكون ممرضه، وانك تصرفى على أهلك وعلى نفسك بالحلال ،وحطى تحت الكلمة دى مليون خط انتى الافضل يا منى اقسم بالله، انتى تعبتى واختارتى الطريق
الحلال وربنا يكرمك، وانا عملت كده عشان ادافع عنك مش اكتر ،كل الموضوع عاوزاكى تتحكمى شوية فى عواطفك ،وتقربى من والدة وليد، خليها تحبك، اهتمى بيها، خليها تحس، انك الشخص اللى يثق فيه ،وانك هاتكونى جنب أمه ،لان لو بتفكرى في وليد يكون شرطه الاول امه فهمتى يا قلبي.
قامت هدير بدون حديث ودخلت على الحمام غسلت وجهها
جلست منى بجوار السيدة الذي كانت تستمع إلى حديثهم وتخزنه في ذاكرتها البسيطة ونظرت لها السيدة:
هو بنتى بتعيط ليه مين زعلها اوعى تكون انتى زعلتيها والله ل قول ل وليد عليكى يا وليد يا وليد
اقتربت منى وهى مصدومة واقتربت من السيدة وقالت:
استهدى بالله يا حاجة والله العظيم ما زعلتها ولا قربت منها هى بس كانت تعبانة ودخلت الحمام
وانا تحت امرك اؤمرينى عاوزة ايه
نظرت لها السيدة بعد أن نسيت ما كان يحدث وقالت:
هو انتى مين وايه جابك هنا وفين وليد وبنتى