اتنهد فارس وهو يشعر بوجعها وقال:
اكتشفتى ايه يا ملك؟
_صرخت ملك بوجع:
انى معرفش مين ملك اللى قدامك دى، عشان استحالة اكون ملك إللي كانت فاكره نفسها انها قويه، وهاتحمى نفسها من كل خطر، ووعدت أهلها تكون بألف راجل، فجأة بقيت خادمة تحت رجل مرات عمها ،وبعد كده ضحك عليها فهمى، ورماها في بيت مشبوه، وبعد كده وقعت في ايد ابن عمك، كل ده حصل معاها وهى فاكرة نفسها ناصحة وطلعت اغبى خلق الله
…
فى الداخل انسحب فهد وأمه خلفه وهى تتحدث معه:
_الحمد لله أن حقيقتها ظهرت قدامك، شوفت اللى انت صدقتها وكسرتنى طلعت عملت ايه، انا حلفت انى مظلومة لكن مصدقتنيش يا فهد، وكنت فاكرنى باأضحك عليك
كان فهد رافض يسمع اى كلمة وقال:
ارجوكى يا امى سيبينى شوية لوحدى ،بالله عليكى عشان انا مخنوق.
رفضت انها تخرج وقالت:
للدرجه دي حبك ل اسماء عم عيونك و اكتر من حبك ل امك.
صرخ فيها فهد وقال:
هى مش كذابة يا امى عشان انا كمان ، سمعت كلامك مع ابراهيم الا انتى كنت قاصده تلعبى فى بالالفاظ ،انتى كنت عارفه ان انا واسماء بنحب بعض ، ورغم كدة بعدتيها، ومع الايام لما كبرنا افتكرتى ان الشباب كبرت وعقلت، لكن انصدمتى لما عرفتى انها بقت مراتي قولت ازاى تفسخى الموضوع ده، ب انك تشككيها
وتستغلي كلام الراجل الطيب ،عن زوجته ب انها تشك انها اختى صح يا امى ارجوكى سيبينى بقا
هزت راسها سهير وقالت:
_ما انا سبتك سنتين عملت ايه من خادمة ل عاهرة خسرت شغلك منصبك ،وكيانك عشان اسماء ولو عملت كده اه علشان عارفه انها متنفعش ليك ،واهو ظهرت الحقيقه قدامك انها لعبت بسمعتى
لو ملك رفضت تساعدني ،كنت فضلت دايما متهمة فى نظرك
أنصدم فهد وفهم حديثها خطأ، وأعتقد أن كل ما حدث من ملك مجرد تمثيل وجهه اتغير وهو مصدوم وقال:
نعم هى كمان مشتركة فى لعبة معاكى اطلعى يا امى وسيبيني والا اقولك
انا سايب ليك المكان.
…
تحت كانت اسماء وليلى وإبراهيم يتحدثون
عندما علمت ليلي أن أسماء ابنتها وأنها تحب صاحب البيت هذا وهو أيضا يحبها ، مثلت أنها ضحيه واخدت بنتها فى حضنها وقالت:
اسماء بنتى حبيبتى، انا مش مصدقه نفسي كل السنين دى بدور عليكى اللى حرمنى منك منه لله
صرخ ابرهيم فيها وقال:
بلاش تمثيل ي ليلي انتى اللى رميتى بنتك وسبتينى، ايه رجعك دلوقتي شايفه بنتك بقت نسخه تانىه منك، يلعن اليوم الا اتجوزتك فيه ،حاولت المستحيل أنها تكون مختلفة عنك لكن الغل والانتقام اتحفر في جيناتها، وللاسف ملك الغلبانه طلعت ضحية ليكم انتوا الاثنين
مرة واحدة الاثنين بصوت واحد:
متجيبش سيرة الزفته دى على لسانك هى السبب .
صفق ابراهيم كف على كف وقال:
مفيش فايده فوضت أمرى ليك يا رب
وخرج وتركهم .