يقول الحقيقه
وفجاة يد وضعت علي كتفها وصوت شخص بيسالها :
رايحه فين يا ملك ؟
التفتت ملك وجدت يد الدكتور فارس اللى انتبه من خروجها واتجه نحوها وسألها:
_رايحة فين يا ملك .
اتنهدت ملك وقالت:
_دكتور فارس اهلا بيك اقصد عايز ايه اقصد واللا اقولك سلام .
شعر فارس بحيرتها وسالها:
انتى فاكرانى صح؟ بقيتى بخير ..؟
اتنهدت ملك وهزت رأسها:
_اه بخير الحمدلله ممكن تودينى عند هبه وعمى.
رد فارس وقال:
هما عندي بس عايز افهم، انتى من شويه كنتى بتتقمصى شخصيه سهير ،وفجاة اسماء اعترفت بكل حاجه ايه اللي حصل..؟
ابتسمت ملك بسخرية وقالت:
_اسبراي الصراحه هو السبب
استغرب فارس وابتسم وقال
اسبراي الصراحة رجعتي ل دمك الخفيف يا ملك.
هزت راسها ملك بالنفي وقالت:
_انا بقول الحقيقة مامت الوسيم قالت إنها عندها شركة أدوية ومستحضرات تجميل، وقالت إن علاج ذاكرتي عندها ف المقابل أن اقلد كل حاجه بتعملها، واخلي اسماء تعترف ولما قولت ليها مادام انتى خبيرة، اكيد عندكم علاج الصراحة وده كان السبب لما رشت الاسبراي بدأ مفعوله يفوح فى المكان ،والكل بقي يقول الصراحة
استغرب جدا فارس من كلام ملك:
انا عارف انها فى شركة أدوية لكن ازاى علاج يرجع ذاكرتك بالسرعة دى ،الا لو..صمت دقيقه بيفكر وشك ما بينه وبين نفسه وقال:
،ايه الحكمة فى كل اللي حصل ده انا لازم افهم
اتنهدت ملك وقالت:
_هاأقولك ب المختصر المفيد ،الوسيم اتوجع جدا لما خسر حبيبته ،وامه في نفس اللحظة، وهو مكنش فاهم ايه اللي بيحصل فى حياته ، باع أمه و احتفظ ب حبيبته لكن خلاها خادمة عشان يكسرها ، ويحرق قلبها وهو بيجيب كل يوم واحده معه، ولما سافر ل امه ورفضت جوازه من اسماء بعد كل اللي حصل ولما رجع شاف حبيبته انخطبت ل محمود السواق
فقرر يتجوز بنت من بيت دعارة، عشان يكسرهم
هما الاتنين
نزلت ملك علي الارض وهى بتعيط كملت:
_لكن لسوء الحظ انا اللى وقعت، في طريقه ماأنكرش انه انقذنى ،من هناك لكن في المقابل اتفق معايا نتجوز جواز على الورق، مقابل اكمل تعليمى وينقذنى من مستقبل ارتميت فيه غدر ، وامه اتفقت معايا مقابل علاج أمثل الدور ده كله ،شوفت ازاى الكل معتبر ملك عبيطة وساذجة .
بدأ شك فارس يوضح وقال:
علاج ايه فاهمين فى علاج يعالج من مرة واحدة
اتكلمت ملك وهى بتشهق:
_برافو عليك زى ما خمنت انا مجرد لعبة ،استغلتنى مدام سهير عشان تكشف أسماء ،لما عرفت أني عملت الحادثة ،اكيد هى اتفقت مع الدكتور يعطنى حاجه تمحى كل حاجه من ذكراتى ، ولما جت تتفق جابت العلاج المضاد ليه لكن انت عارف انا اكتشفت ايه؟