_ تحول وجه سالي للون الاحمر من شدة الغضب والاحراج..
عزيز باعجااب شديد بتلك المرأه: ممكن حضرتك تهدي..
ام ابراهيم بحده: لا مش ههدي اليوم ده ريهام جات وهي زعلانه ومدايقه جدا من ابنك وخطيبته ع سبب تافه..
عزيز بحده لسالي ونديم: اعتزرولهاا يلااا..
نديم بأبتسامه جانبيه: انا اسف جدا ليها واعتزرتلها ع فكره قبل كده فوقتها ومقبلتش اعتزاري..
_ نظرت له ريهام بغيظ..
سالي بجمود: سوري..
_ ابتسمت لها ريهام ابتسامه صفراء وصمتت..
سالي وهي تنظر لريهام بغرور: بيبي تعالا نقف عند الميه شويه..
نديم بابتسامه واسعه وهو يحاول اشعال غيرة ريهام: اوكي ي سالي يلااا…
_ ذهب الاثنان الي هناك، وكانت ريهام تستشاط غضباً ولكنها اظهرت التجاهل وعدم الانتباه لهم…
عزيز بابتسامه واسعه: قوليلي ي ام ابراهيم حضرتك بتشتغلي اي بالظبط..
ام ابراهيم بهدوء: انا كان عندي حضانة اطفال خاصه بس اتقفلت من فتره عشان الضرايب وبعدين..
قاطعتها ريهام وهي تمسك يدهاا واردفت بثقه: وبعدها انا وتميم قعدنا لوحدنا عشان بابا اتجوز وهي جات قعدت معانا عشان تاخد بالها مننا مكان ماما، وهي وافقت تعيش معانا لانها صديقة ماما الله يرحمها كانت..
_ نظرت ام ابراهيم لريهام بامتنان كبير…
عزيز باعجاب شديد: امم ربنا يخليكم لبعض، حضرتك بقي طبعا متجوزه، عندك ولاد غير ابراهيم..؟
ام ابراهيم بملل من اسألته: لا انا لا متجوزه ولا عندي ولاد وام ابراهيم ده اسمي، اسم مركب ابوياا الله يسامحه مكنش بيعيشله عيال فقال اسميها ام ابراهيم عشان عمرها يطول وتخلف ابراهيم..
عزيز بفضول: ومتجوزتيش قبل كده..
ام ابراهيم بتنهيده: اتجوزت بس جوزي مات بعد جوازنا بشهر ملحقتش اجيب ابراهيم للاسف…
عزيز بابتسامه واسعه: ومش بتفكري تتجوزي تاني؟
ام ابراهيم بحاجب مرفوع: في حاجه ي حج..
_ كتم الجميع ضحكاتهم علي هؤلاء الاثنين…
عزيز باحراج: احممم مفيش، انا هقوم ارتاح شويه تحت يكون الاكل جهز..
امجد بهمس لكمال: هو خالي كان بيشقط الوليه ولا اي..
كمال بضحك: ده احنا شكلنا داخلين ع ايام فل هههههه..
_ قطع حديثهم الهامس، صوت حوريه الغاضب: كمااااال..
ذهب كمال لها ليجدها تقف وترمق فتحي بغضب..
كمال بهدوء: في اي؟
حوريه بغضب: الواد ده مش راضي يأكلني..
فتحي بغيظ: قولتلك اسمي فتحي وبعدين اللحمه نيه هتاكلي اي..
حوريه بدموع: لا مش نيه في حته مستويه اهي..