عزيز بهدوء فظن ان الاخر فعل ذلك كي يساعدها لا اكثر من ذلك: اتفضل ي بني..
_ ذهب الجميع لليخت وخلفهم تلك الحاقده التي ازدادت غيرتها ليس لانها تحب فتحي فقد غيرتها من تلك الجميله فقد والطمع بكل شئ حولهاا..
ـــــــــــــــــــــــــــــــــ
بعد قليل وصلت سيارتان امام اليخت بوقت واحد..
ترجلت تلك الفتاه الفاتنه بملابسها القصيره الضيقه من سيارتها وهي تنظر حولها بغرور..
وامامها هبط امجد من سيارته وهو يتجاهل النظر لهاا..
تقدمت منه واردفت ببرود: بتعمل اي هنا ي امجد..
امجد بسخريه وحده: هو كان ياخت ابوكي وانا معرفش ي انسه سالي، وبعدين خالي عازمني..
سالي بحزن: مكنتش اقصد كده افتكرتك جيت تدا..
قاطعها بحده: من غير متكملي انتي مش فبالي اصلا من يووم مظهرتي لياا ع اصلك وبعتيني وبعتي حبي ليكي عشان اتقدملك نديم الشناوي اللي هو اغني مني..
نظرت الاخري للارض بحزن شديد: لو كنت مكاني كنت هتعمل كده كنت هتختار المستقبل الافضل..
امجد بأستحقار وهو يذهب باتجاه اليخت: انا عمري مهكون مكانك لاني عمري برضو مهبص للمستقبل بطمعك ونظرتك الموهومه دي..
_ تركهاا وذهب لليخت وهي خلفه بعد ان اخفت حزنها خلف قناع غرورهاا..
ــــــــــــــــــــــــــــــــــــ
_بعد مده من الوقت…
كان الجميع يجلس حول مائده كبيره، معادا فتحي وحوريه الذين كان يقفون ع تلك الشواء لطهي بعض اللحوم..
عزيز بجديه لسالي التي كانت تجلس بجوار نديم: قوليلي ي سالي اي اللي حصل خلاكي تدايقي ريهام فالشركه..
سالي بتوتر: اا محصلش بس يعني هي دخلت عليا انا ونديم المكتب من غير متخبط و..
ريهام بحده: لا حضرتك خبطت انا اعرف الذوق كويس جدا، وبعدين حصل خير ي عزيز بيه..
عزيز بهدوء: اولا انتي تقوليلي زيهم عمو ولا عندك اعتراض..
ريهام بهدوء: ده شرف ليا ي عموو..
تميم بمرح وهو ممسك بيد سما ولا يريد تركها: وانا هقولك زيزو زي سما.
_ ضحك الجميع بمرح..
كمال بمرح: ولااا انت لازق فيها لي كده تعالي اقعد معايا احنا رجاله فبعضناا..
تميم وهو يحتضن سما بقوه: لا انا هقعد مع سما دي حلوه اووي انا هاكل كتير عشان اكبر بسرعه
واتجوزهاا..
سما وهي تقبله من خدوده بقوه: وانا موافقه جدا ومش هاكل عشان هستناك تكبر..
عزيز بمرح ايضا: بس اسمع دي غاليه عندي اووي مش هتاخدها ببلاش..
تميم ببرأه: هديلك كل اللعب بتوعي..
سما بحزن: لا طبعا اومال لما هنتجوز هنلعب باي..
_ ضحك الجميع مجدداً عليهم، حقاً يوجد بين الاثنين نفس البراءه والطفوله..
عزيز بجديه: المهم سالي انا بعتبرك زي بنتي وبحترمك انتي لازم تعتزري لريهام..
ريهام بسرعه: ارجوك ي عمو خلاص انا مش زعلانه..
امجد بخبث: بالعكس حتي لو انتي سامحتيها الانسه سالي غلطة فيكي من غير سبب..
سالي بغضب: بس دي اقتحمت خصوصيتي انا ونديم و..
ام ابراهيم بحده: خصوصية اي، دي فتحت عليكم باب المكتب مش باب اوضة النوم..