دلف الطبيب للخارج ليهرول له نديم وكمال بقلق..
كمال بلهفه: خير ي دكتور..
الطبيب بهدوء: متقلقوش ي جماعه الباشا زي الفل بس واضح انه اتعرض لضغط عصبي وده اثر ع القلب عنده بس سيطرنا ع الوضع والباشا زي الفل تقدرو تدخلو تطمنو عليه..
كمال بأبتسامه واسعه وارتياح: شكرا جدا ي دكتور اتفضل..
_ ذهب الطبيب من امامهم..
كمال لنديم: يلا ندخله نطمن عليه..
نديم بحزن: مش وقته ي كمال هو تلاقيه متعصب مني ابقي اقابله لما يرجع البيت..
كمال بحزن: نديم انا وانت اغلي حاجه عند ابووك وسما كمان احنا التلاته ملناش غيره وهو ملهوش غيرناا..
نديم بحزن: عارف..
كمال بحده : ومدام حضرتك عارف لازمته اي كلامك اللي زي السم اللي قولتهوله..
نديم: ي عم كلمتين كانو محشورين فزوري قولتهم وخلصناا..
كمال بخبث: مكنوش كلمتين وخلاص ي نديم انا اكتر حد اعرفك..
نديم بتنهيده: ادخل ي كمال اطمن ع ابووك وانا هروح اخد شاور واغير هدومي واشوف الشغل المتلتل اللي عليناا وقول لابوك اني مكمل فالصفقه تمام..
_ تركه نديم وذهب ليدلف كمال لوالده بابتسامته الهادئه..
كمال بهدوء: كده ي بابا تخوفنا عليك، حمدلله ع سلامتك..
عزيز بالم ودموع: اخوك فين..
كمال: كان هنا ومشي لما اطمن عليك عشان ميدخلش وتحصل حاجه مش كويسه..
عزيز بحده: متكذبش عليا، نديم مجااش نديم بقي بيكرهني ي كمال..
كمال وهو يمسك يده بحنان: وغلاوتك عندي كان هنا ومشي، وبعدين انت عارفه لما بيزعل بيقول اي كلام وخلاص..
صمت عزيز بألم..
ــــــــــــــــــــــــــــــــــــــــــــــــــــ
_ وقف فتحي بسيارته امام المستشفي..
عايده: استني ي سما انا نازله معاكي..
سما بتلقائيه: لا انا عايزه فتحي..
_ نظر لها هو بالمرآه بقلب نابض بقوه، نعم هي مقصدها من تلك الجمله برئ ولكن جعل قلب الاخر ينبض بقوه..
عايده بغيظ: انا هوصلك ي سما مش هنتعب استاذ فتحي معاناا..
فتحي بجديه: لا عادي اتفضلي ي سما هانم..
سما بغيظ: اسمي سما بس مش هانم..
فتحي بابتسامة جانبيه: ماشي ي سماا..
_ هبط فتحي وفتح الباب وامسك يدها بهدوء يلا..
هبطت هي وهي ممسكه يده وسارت معه داخل المستشفي تحت نظرات الحقد من تلك الفتاه..
دلف للداخل لتردف هي بغضب: انت مخلتنيش لي اركب جمبك…
فتحي بجديه: عشان حضرتك مينفعش ابقي انا شغال عندك والبنت اللي هناك دي وتركب هي ورا وانتي قدام..
سما بحده: انا حره براحتي وانا هركب قدام ع طول…