ريهام بحزن : طيب واللي عمله..
ام ابراهيم ببعض حده: واي اللي عمله انتي مراته يعني معملش حاجه غلط ولا حرام، ورفضك انتي هو اللي غلط..
نظرت لها ريهام بدموع وحزن وصمتت..
ام ابراهيم بحنان: متخربيش بيتك، جوزك برغم اللي بيحصل ده راجل جدع والف وحده تتمنااه وانتي تبقي
شاطره ومتخليش وحده حرمبوءه زي اللي اسمها سالي دي تاخده منك..
_ صمتت ريهام بتفكير..، دلفت لهم حوريه وهي تتثاوب بنوم..
حوريه وهي تجلس ع السرير بنوم: صباح الخير..
الاثنان: صباح النور..
ام ابراهيم وهي تشير لحوريه: اهي نيله تانيه اهي،لو واحد غير كمال كان زمانها بيتلعب بيها الكوره..
حوريه بفخر: حبيبتي ام ابراهيم تسلمي ع ثقتك الغاليه دي، مالها بقي ريهام كأنها واخده قلمين ع وشها ع الصبح..
ريهام بسخريه حزينه: مش كانها دي هي واخده ي حبيبتي..
ام ابراهيم بحده: الهانم زعلانه اكمن جوزها جه بات عندها امباارح..
حوريه بعدم فهم: ويبات عندها لي ميروح يبات فبيتهم او اوضته اللي هنا هو مش ليه اوضه هنا بتاعته…
ام ابراهيم وهي تنهض بغيظ: اموت واعرف انتي فرحك كمان اسبوعين ازااي..
حوريه بتلقائيه: ومال فرحي انا باللي بنتكلم فيه..
ام ابراهيم وهي تنهض بغيظ تحت ضحكات ريهام البسيطه: انا هقوم اجهز الفطار واصحي الواد يروح المدرسه مش ناقصه غباء ع الصبح..
حوريه وهو تنظر لطيف ان ابراهيم: مالها دي انا قولت حاجه..
ريهام بهدوء: كبري دماغك مسيرك تفهمي..
حوريه بصدمه وهي تذهب لريهام وتمسك وجهها: نهاااره اسود هو مد ايده عليكي صوابعه دي..
ريهام بدموع: عادي ي حوريه انا اللي..
حوريه بغضب: انتي ازاي تسمحيله يمد ايده عليكي هو فاكر نفسه اي وحياة امه العمشه لاندمه ع الحركه دي..
ريهام بخوف: هتعملي اي اهدي ي بنتي مش مستاهله..
حوريه بغضب: اخرسي انتي وخلي الباشا يستحمل اللي هيحصله مني..
ـــــــــــــــــــــــــــــــــــــــــــــــــــــــــــــــ
عزيز بهدوء وهو يتناول افطاره: حابه تطلعي النهارده ي سماا ولا هتقعدي فالبيت في بنتين هنا تحت امرك عشان لو احتاجتي حاجه..
سما بابتسامه هادئه: ميرسي ي انكل انا اتعرفت عليهم من شويه، بس انا حابه ارووح النهارده النادي اقابل صحابي اللي مشوفتهمش من زمان..
كمال بجديه: طيب ي سما خدي معاكي وحده من البنات..
عزيز: وكلمي فتحي يروح معاكي..
سما بملل: ي جماعه محسسيني اني طفله ع فكره اعرف بس الاماكن وانا ممكن اروح لوحدي..
عزيز بهدوء وخبث: لو عملتي العمليه وقتها هجيبلك طياره لو عايزه تلفي بيها العالم كله وحدك موافق..
سما بحزن: لو سمحت ي انكل عزيز مش عايزه اتكلم فالموضوع ده..
عزيز بهدوء وحزن: اللي يريحك ي بنتي..
ثم اردف لكمال بغضب: الباشا بايت بره صح..