_ لاحظ نديم وجودها ليدفع تلك بقوه ويهب واقفا وهو ينظر لريهام التي ترمقه بدموع والم ينظر لها بندم شديد..
سالي بغضب وحده: انتي اتجننتي ازاي تدخلي كده من غير متخبطي اي قلة الذووق دي..
ـ نظرت له ريهام بغضب شديد والم اكبر و اردفت بجمود: انا خبطت بس واضح محدش سمع..
سالي بغضب: انتي كمان بتردي عليا انتي نسيتي نفسك يبت انتي ومش عارفه بتكلمي مين..
ريهام بغيظ وهي تذهب وتضع تلك المشروبات امامهم: لا عارفه كويس بكلم مين وبلاش افكرك بكلم مين ي حج سالم..
سالي بغضب شديد: انتي مش متربيه ازاي وحده زيك تشتغل هنا..
نديم بغضب: سالي اي اللي انتي بتقوليه ده؟..
سالي بحده: بقول ان البنت دي مينفعش تشتغل هنا ولو هي كملت يبقي كل واحد مننا يروح لحاله..
نديم بغضب: انتي بتقولي اهدي الموضوع مش مستاهل..
نظرت له ريهام بسخريه واردفت ببرود: لا مفيش داعي كل واحد يروح لحاله انا اصلا مستقيله..
_ اردفت بكلماتها وغادرت للخارج وهي تضع يدها ع قلبها لما يؤلمها بهذا الشكل..
سالي بسعاده: سوري ي بيبي بس هي استفزتني..
نديم وهو يحاول كبت غضبه منها: سالي ممكن تتفضلي دلوقتي وبالليل نتقابل..
سالي وهي تقبله من وجنته بهدوء: اوكي ي بيبي بااي..
_ ما ان دلفت للخارج حتي وجدت ريهام تقف مع كامليا التي تعتزر لها عن ما حدث..
سالي بشماته وغرور: حظ اوفر المره القادمه ي ريهام تايمور تيكييير..
كامليا بعد ان ذهبت تلك الحيه: انا اسفه بجد ي ريهام والله مكنت اقصد اسببلك اذي..
ريهام بجمود: ولا يهمك ي كامليا انتي ملكيش ذنب كله من الصفرا دي والبيه بتاعها اللي جوه..
نديم من خلفها بجديه: ريهام تعالي عايزك..
ريهام بحده: افندم؟
نديم بحده: مش هنتكلم هنا اكيد يعني..
ريهام بغضب: ومفيش كلام بينا اصلا ي نديم بيه..
نديم وهو يجذبها من يدها بقوه وغضب وذهب لمكتبه واردف لكامليها بحده: مش عايز حد يزعجني..
_ دفعها للداخل واغلق الباب بقوه..
ريهام بغضب: انت اي اللي بتعمله ده مش خايف ست البرنسيسه بتاعتك تشوفناا..
نديم بتنهيده: لا مش خايف ولازم تسمعيني خطوبتي انا وسالي اا…
ريهام بحده: استني انا مش عايزه اسمع حاجه عنكم لانكم متهمونيش اصلا..
نديم بغضب: يعني اي؟
ريهام بحده شديدة وهي تعقد ساعديها امام صدرها بغضب: يعني احنا اللي بينا مجرد ورقه فاي وقت هينتهي ومفيش داعي تبررلي حاجه متفرقليش اصلا.
نديم بابتسامه ساخره: يعني انتي شايفه اللي بينا مجرد ورقه..
ريهام وهي تنظر له بغضب: واقل من كده كمان..
نديم بهدوء غاضب: تمام من النهارده لحد مننفصل اللي بينا قليل اوي او مش موجود اصلا، اتفضلي شوفي هتعملي اي؟
_ تركته ريهام وذهبت.، نظر هو لطيفها واردف بسخريه والم: كنت متوقع انها بتحبني مثلا، دي اصلا متستهلش حاجه من اللي جوايا ليهاا…