كمال وهو يقبل راس والده ويجلس بجواره ع مائدة الافطار: صبااح الخير ي بابا..
عزيز بابتسامه واسعه: صباح الفل ي عريس اي مجبتهاش معاك لي؟
كمال بهدوء: في عروسه تيجي قبل الفرح ي بابا اهي قاعده عند بنت خالتها..
نديم وهو يجلس بجوار كمال: صباحو قشطه ي حج..
عزيز بغضب: صباح الزفت ع دماغك..
نديم: ي حول الله ياارب طيب ي حج انا لسه صاحي اهوو اي اللي معصبك مني..
عزيز بغيظ: معرفش بشوفك بتعصب والدم يهرب مني..
نديم وهو يتناول الطعام بشرهه: دي اعراض الجلطه ي بابا..
عزيز لكمال بحده: شايف قلة ادبه..
كمال بحده: اتلم ي نديم واتكلم كويس..
نديم: يعني انا عملت حاجه مانا جيت قعدت لقيته مصدرلي الوش الخشب..
عزيز بحده: اخلص يالاا المهم..
كمال باهتمام: خير ي بابا..
عزيز: سما بنت عمكم جايه..
نديم بتلقائه: بنت عمي انا واخت كمال انت نسيت ي بابا ان كمال يبقي ابن عمو فوزي..
_ تهجم وجه كمال وعزيز بغضب..
عزيز بغضب: انت معندش اللي خلفوك دم لي متخرس خااالص..
نديم بغيظ: وانا قولت اي طيب مكمال ابن عمي فوزي وسما بنت عمي فوزي يعني اخته..
عزيز وهو يمسك موضوع قلبه بألم: كمال ابعت حد يجيبلي دوا القلب من فوق بسرعه وخلي ابن ال*جزمه ده يمشي من قداامي..
كمال وهو يمسك يد والده: عجبك كده ي زفت غور امشي..
نديم وهو يقف ببرود: طيب متزقوش همشي..
عزيز بانفااس متقطعه: ربنا ياخدك ي شيخ ويخلصني منك..
نديم: في اب يتمني لابنه الموت ربنا يسامحك ي ابي جنيت عليا وانا صبي ع رأي احمد شيبه..
عزيز بالم شديد وبكاء: يااااااارب ارحمني منه ياااارب..
كمال بقلق وخوف: اهدي ي بابا عشان خاطري وانت ي حي*وان غور بره..
نديم: طيب مااشي..
_ ذهب وصعد. سيارته واردف لنفسه بابتسامه جانبيه وهو يتذكر تلك المجنونه بالامس عندماا قبلها وكانت مستسلمه له: جايلك ي حرمي المصون..
_ بالداخل اخذ عزيز دواءه وهو يتنهد بغضب..
كمال بهدوء: في اي ي بابا اي العصبيه دي انت مش عارف نديم يعني..