=متحطيش فلفل في الاكل البيه عندوا حساسيه منوا
-تمام
-لكن هما مين اللي برا دَ يا ست فاطمه
=دَ يبقا راجل اعمال كبير زي مراد بيه بس شركتوا في الفتره الاخيره خسرت سهووم ولا اي بيقولوا عليها دِ
-اسهم
=ايوه هي دِ ومراد باشا عرض عليه انو يعمل معاه ثفقه مقابل انو يجوزوا بنتوا
-طب وليه يعني الباشا عاوز بنت الراجل دَ ما كان ممكن يساعدوا مقابل اي حاجه
=اللي اعرفوا انو ابو الباشا قالوا انو لو متجوزش خلال الكام شهر دول هيخترلوا هو عروسه يا إما هيطردوا من الشركه بتاعتوا
-طب واشمعنا برضو البنت د ما في قداموا بنات تاني كتير
=ع…
قاطع كلامنا مراد وهو بينادي علي داده فاطمه خرجت ورجعت بسرعه
=يلا يلا يابنتي ساعديني اخرج الاكل ع السفره
——————-
ساعدتها فعلا ف تقديم الاكل بعدين هي دخلت المطبخ وانا فضلت واقفه بعيد اسمع كلامهم
=يعني انت هتمم الثفقه يا مراد من غير ما تتجوز وتين !
قالها علي ب اندهاش
ابتسم مراد ب سخريه_لاء
÷ايهه ما انت لسا قايل يابني انك هتمم الثفقه ….
قاطعوا مراد
_هتمم الثفقه دلوقتي اهه لكن فلوس الارباح هتبقي كلها معايا لحد ما تلاقي بنتك واتجوزها
————–
جريت علي المطبخ وانا بمسح دموعي ايهه دَ هما بيتعاملوا علي اني سلعه يبيعوا ويشتروا فيها ليهه ميعملونيش علي اني انسانه ليها مشاعر انسانه ليها قرارات
______________