قال
÷خلصتي يا وتين المأذون وصل وبابا تحت ومراد بيقول يلا
هزيت راسي ومشيت معاه مكلمتوش لانو ميستحقش لانو مكنش اخ ااه مكنش اخ لان كلمت اخ دِ مش مجرد كلمه علي طول عمروا سلبي وماشي ورا كلمة بابا وملوش كلمه
نزلت تحت كان موجود بابا ومراد وواحد صاحب مراد عشان يشهد علي العقد و المأذون
بصيت علي بابا بحزن وهو كان بيبصلي بشماته حقيقي معرفش أبهات ب البشاعه دِ ازاي من وانا صغيره هو مبيحبنيش بيحب زينه بنتوا الكبيره الجميله الرازنه العاقله كنت دايما ب أحرص اني اطلع الاولي علي مدرستي يمكن يجي اليوم اللي يحبني
في زي زينه لكن لا
كبرنا وزينه دخلت فنون جميله مع ان بابا كان نفسوا يدخلها طب لكن مجموعها مجابش وهي رفضت تدخلها خاص
دخلت انا ثانوي حاولت بكل طاقتي اني اجيب مجمووع طب وجبتوا بفضل ربنا لكنوا
-بابا عاااااا بص انا انا نجحت جبت مجوع كبيير هدخل طب يا بابا حققت حلمك
لكنوا كسر فرحتي وقلبي وقال
=مبروك ، عديني بس عشان انهرده حفل تخرج زينه
رغم دَ كلو و وانا عمري ما فكرت اكرهه زينه لانها كانت انسانه جميله اووي وتستاهل الحب
فوقت من سرحاني علي صوت المأذون وهو بيسألني موافقه ولا لاء
-ا انا انا ……
-انا موافقه
*بارك الله لكما وعليكما وجمع بينكم في خير*
قالها المأذون وخرج مع صاحب مراد
انا كنت واقفه متوتره وبفرك في ايدي جاامد
لحد ما سمعت صوت بابا وهو بيزعق وبيقرب نحيتي
=بتهربي بتهربي وتجبيلنااا العااار م هستني من واحده زيك ايهه واحده قتلت امها يوم ما اتولدت
كنت سامعه كلاموا وانا دموعي علي خدي وايدي بتترعش جامد